ໜ້າຫຼັກ / ການເຄື່ອນໄຫວ / ສະຫລຸບການເຂົ້າຮ່ວມແຂ່ງຂັນຍິງປືນ ທາງດ້ານຍຸດທະວິທີກອງທັບອາຊຽນ
ໂອກາດນີ້, ສະຫາຍ ພົນຕີ ພັນແສງ ບຸນພັນ ໄດ້ສະແດງຄວາມຍ້ອງຍໍຊົມເຊີຍຕໍ່ ຜົນສຳເລັດທີ່ຍາດມາໄດ້ ໃນການເຂົ້າຮ່ວມແຂ່ງຂັນໃນຄັ້ງນີ້ ເຊິ່ງສະແດງໃຫ້ເຫັນເຖິງຄວາມເອົາໃຈໃສ່ ໃນການຝືກຝົນຫລໍ່ຫລອມ ທາງດ້ານພາລະກຳລັງ, ການຝຶກຊ້ອມ ແລະ ຄວາມເອົາໃຈໃສ່ຂອງຂັ້ນເທິງ ຢ່າງໃກ້ຊິດ, ອັນໄດ້ສ້າງໃບໜ້າໃໝ່ ໃຫ້ແກ່ກອງທັບປະຊາຊົນລາວ ໂດຍສະເພາະ ກົມໃຫຍ່ເສນາທິການກອງທັບ ແລະ ຍັງຊ່ວຍພັດທະນາ ກອງທັບປະຊາຊົນລາວ ກາຍເປັນກອງທັບ ທີ່ມີແບບແຜນ ແລະ ທັນສະໄໝ.
ພ້ອມກັນນັ້ນ, ຍັງໄດ້ມອບຫລຽນໄຊພິລະອາດຫານຊັ້ນ III ໃຫ້ກົມກອງລວມໝູ່, ມອບໃບຍ້ອງຍໍກະຊວງປ້ອງກັນປະເທດ ໃຫ້ແກ່ຄູຝືກ ແລະ ນັກກິລາເຂົ້າຮ່ວມແຂ່ງຂັນໃນຄັ້ງນີ້ ແລະ ມອບເງິນລາງວັນໃຫ້ນັກກິລາຕາມແຕ່ປະເພດ ຕື່ມອີກ.
